Urwaruka rwa APDR rusaba abanyeshure bari mu buruhuko kutaja mu bibasamaza

Mw’itangazo inomero 001/CIU/APDR/2018 ryasohowe n’umukuru w’igisata c’urwaruka rwa APDR, Leonidas NSHIMIRIMANA amenyeshako bababazwa n’abanyeshure bamaze imisi babona biyerereza bashobora guhura n’ububegito bwohava bwonona kazoza kabo .

Leonidas NSHIMIRIMANA asaba abanyeporitike kudashira mu bikorwa vya poritike urwo rwaruka ruri mu buruhuko ariko barufashe mu migambi y’iterambere.

Muriryo tangazo ,Leonidas NSHIMIRIMANA arangiza asaba abafata ingingo zijanye no kugara amashure kuzitondera kuko zishobora gutera ingorane muri kazoza ku bana bayigako.