Londres: Amakaseti ariko indirimbo za Bob Marley yatowe inyuma y’imyaka 40

Inyuma y’imyaka 40, amakasete ariko indirimbo zo mu mudiho wa Reggae z’umuririmvyi Bob Marley yatowe agikomeye mu cumba gikanye co mu kuzimu kw’ihoteri yo mu gisagara ca Londres,mu gihugu c’Ubwongereza.

Ayo makasete arimwo indirimbo No Woman No Cry, Jamming na Exodus nay’ukuri, yafashwe igihe umuririmvyi Bob Marley yari yakoresheje ibiteramo mu bisagara vya Londres na Paris mu mwaka w’1974 no mu mwaka w’1978.

Amakuru dukesha iradiyo BBC y’abngereza amenyesha ko ata muntu yokwiyumviriye ko zotowe zigikomeye kubera amazi yari muri ico kibanza gikanye yatwemwo.

Ayo makasete yatowe mw’ ihoteri ishaje i Kensal Rise, mu buraruko bushira uburengero bw’igisagara ca Londres, aho Bob Marley n’umurwi Wailers bashikiye igihe bavuza mu bisagara bitandukanye vya Buraya mu myaka y’1970.

Bob Marley yitavye Imana mu mwaka w’1981.