Accueil > Amakuru > Mu makungu > Mexique : Abantu 29 bahitanwe n’impanuka y’umuriro
Mexique : Abantu 29 bahitanwe n’impanuka y’umuriro
mercredi 21 Kigarama 2016, par
Mu gihugu ca Mexique hadutse impanuka y’umuriro kuri uwu wa kabiri, yahitanye abantu 29 mw’isoko rinini risanzwe ridadarizwamwo imiriro yo guturitsa ku minsi mikuru.
Iryo sanganya ryahitanye abantu mirongo ibiri n’icenda bapfuye, abandi bashika kuri mirongo indwi barakomereka.
VOA ivuga ko ari isanganya ryabereye ahariko hagurishirizwa imiriro abanyagihugu basanzwe baturitsa ku minsi mikuru yo kurangiza umwaka.
Abajejwe gutabara amasanganya bamenyesha ko vyabaye ngombwa ko babanza kurindira amasaha atari make kugira bashobore gushikira abahitanywe n’iryo sanganya.
Abategetsi batangaje kandi ko uwo muriro waturiye imiduga itari mike hamwe n’inyubakwa ziri mu micungararo y’ahabereye iryo sanganya.
IGIHE
