Accueil > Amakuru > Muri Afrika > RDC : Moïse Katumbi ashobora kutitoza mu kibanza c’umukuru w’igihugu
RDC : Moïse Katumbi ashobora kutitoza mu kibanza c’umukuru w’igihugu
vendredi 23 mars 2018
Ibwirizwa nshingiro ry’igihugu ca Repubrika Iharanira Intwaro Rusangi ya Kongo, ntiryemerera uwitoza mu kibanza c’umukuru w’igihugu ri kuba afise ubwenegihugu bubiri, ibishobora gutuma Moïse Katumbi ataronka ubwo burenganzira.
Amakuru dukesha ikinyamakuru Jeuneafrique, amenyesha ko San Vito dei Normanni, igisagara co mu bumanuko bw’Ubutariyano cemeye ko, Moïse Katumbi yabaye umwenegihugu w’Ubutariyano kuva mu mwaka wa 2000 gushika mu mwaka wa 2017, yitwa izina rya Moïse Katumbi d’Agnano.
Hari haciye igihe kitari gito hanugwanugwa ko Moïse Katumbi afise ubwenegihugu bubiri, inyuma y’ivyo vyemezo, ivyari mu gifuri vyagiye ahabona.
Oscar NDAYISHIMIYE
