Ruyigi : Ikiziga c’umwana aboshe catowe mw’ishamba

Ico kiziga c’uruyoya catowe mw’ishamba ku birometero 4 vy’aho uwo mwigeme yahora aba, uwo nawe nyene akaba yafashwe n’igiporisi, akaba kandi yiyemerera ko yaboshe uwo mwana yari ahejeje kuvyara, aca amuta mw’ishamba.

Nizigiyimana Espérance yasiguriye inyamiramabi ko yataye uwo mwana kubera uwo bamuvyaranye yamwihakanye ahungira mu gihugu ca Tanzaniya.

Mu giporisi bamenyesha ko amatohoza yose niyahera uwo mwigeme aca ashikirizwa ubutungane, uwo mwana nawe ashingurwe ku muhingamo wo kuri uwu wa kane.