Sudan y’Ubumanuko: Abatanga infashany bahagaritse kuzitanga kubera intambara

Amashirahamwe atanga infashanyo ku banyagihugu bahunze intambara mu gisagara ca Wau Shilluk,bahagaritse ico gikorwa kubera ingwano zabaye hagati y’abasirikare ba Reta ya Sudani yo mu Bumanuko n’imirwi iyirwanya.

Amakuru ava mw’Ishirahamwe Mpuzamakungu ryitaho abimukira amenyesha ko izo ntambara zatanguye mu gihe ryariko riratunganya intonde z’abakeneye imfashanyo,bikaba vyabaye ngombwa ko rikura abakozi baryo muri ako karere.

Iryo shirahamwe ryitaho abimukira rivuga ko ryari rimaze kwakira abashika ku bihumbi mirongo ibiri, mu kiringo c’indwi imwe, mu kwezi guheze kwa mbere. Abababa ibihumbi bitatu bakaba batari bwashirwe ku ntonde z’abimukira.

Olivia Hoedon, ajejwe kumenyesha amakuru mw’ishirahamwe ryitaho abimukira, amenyesha ko iryo shirahamwe ryariko ritanga imfashanyo igizwe n’ibikresh vy kuvura ,hamwe n’ibindi bikoresho abimukira bakenera.

Amakuru ava mu gihugu ca Sudani yo mu Bumanuko amenyesha ko izo ntambara zatanguye kw’igenekerezo rya 26 Nzero umwaka wa 2017, mu Bumanuko bw’igisagara ca Wau Shilluk.