Accueil > Amakuru > Mu makungu > Amerika : Umuyobozi ajejwe kumenyesha amakuru mu biro vy’umukuru w’igihugu (...)
Amerika : Umuyobozi ajejwe kumenyesha amakuru mu biro vy’umukuru w’igihugu yatanze imihoho
mercredi 31 Rusama 2017
Mike Dubke yari asanzwe akorera mu biro vy’umukuru w’igihugu ca Reta Zunze Ubumwe za Amerika Donald Trump, yari yahawe akazi ko kunagura igisata co gutumatumanako amakuru mu biro vy’umukuru w’igihugu.
Mu kurindira ko hagenwa mushasha asubirira Mike Dubke ,umunyamabanga ajejwe kumenyesha amakuru mu biro vy’umukuru w’igihugu White House, Sean Spicer, niwe azoba arasubirira Mike Dubke.
Amakuru dukesha iradiyo y’abongereza BBC, amenyesha ko Mike Dubke yatanze imihoho kubera hari ukwumvikana guke hagati y’abajejwe gutumatumanako amakuru mu biro vy’umukuru w’igihugu White House.
Amakuru ya Radiyo BBC amenyesha ko umukuru w’igihugu Donald Trump yoba adashima ingene amakuru y’ibiro vy’umukuru w’igihugu atangwa.
MUGISHA Van Naris
