Ubufaransa : Uwukekwako igitero yarashwe n’umusirikare

Umusirikare w’umufaransa yari acungereye umutekano i Louvre, mu gisagara ca Paris yarashe uwukekwa kugira igitero, nk’uko bivugwa n’ibinyamakuru.

Bivugwa ko uwo musirikare yagizweko igitero n’imbugita, uwari amuteye akaba yakomeretse cane, nk’uko bivugwa na BBC.

Uwo yagize ico gitero yariko aragerageza kwinjira mu nzu ndangakaranga. Hari igikorwa c’umutekano gikomeye kiriko kirakorwa i Louvre hamwe no yandi mazu y’ubudandaji ahegereye.

Ubushikiranganji bw’intwaro yo hagati mu gihugu buvuga ko ico gitero "gikomeye", abantu bose bakaba bavanywe i Louvre.

Umuvugizi w’igiporisi c’Ubufaransa avuga ko uwo yeteye yasemereye ngo "Allahu Akbar", bisigura mu carabu "Imani ni yo nkuru".

Nta bintu biturika yari yitwaje, ariko inkuru zikavuga ko yari yitwaje isandugu imwe canke zibiri.