Accueil > Amakuru > Mu makungu > Ubufaransa bwasavye ishirwaho ry’igisirikare kirwanya iterabwoba muri (...)
Ubufaransa bwasavye ishirwaho ry’igisirikare kirwanya iterabwoba muri Sahel
mercredi 7 Ruheshi 2017
Uwuserukira igihugu c’Ubufaransa mw’Ishirahamwe Mpuzamakungu ONU yavuze ko badashobora kwemera akarere ka Sahel kaba ikirimbiro ry’abarwanyi bakoresha iterabwoba mu karere kose.
Iyo ngingo yo kurungika abasirikare mu karere ka Sahel ivuga ko abasirikare borungikwa muri ako karere bokoresha uburyo bwose bushoboka kugira barwanye iterabwoba,urudandazwa rw’ibiyayuramutwe n’urudandazwa rw’abantu.
Mu gihe iyo ngingo isaba umunyamabanga mukuru w’Ishirahamwe Mpuzamakungu ONU gufasha mu bijanye n’uburyo n’ibikoresho, Federica Mogherini ajejwe imigenderanire mw’Ishirahamwe ry’Ubumwe bwa Buraya ko biteguye gutanga imiliyoni 50 z’abanyaburaya azofasha gushiraho ico gisirikare.
Ico gisirikare kizoba kigizwe n’abasirikare 10000 kizotwarirwa mu gihugu ca Mali,ariko ntikizotwarwa hamwe n’abasirikare 12000 ba Minusca.
MUGISHA Van Naris