Accueil > Amakuru > Mu makungu > Umugambi wa Verizon w’ukugura Yahoo ushobora guhagarara
Umugambi wa Verizon w’ukugura Yahoo ushobora guhagarara
jeudi 15 Kigarama 2016, par
Udusandugu tw’ubutumwa bwa Yahoo tw’abantu barenga umuriyaridi twarinjiwemwo n’abantu batazwi kuva mu kwezi kwa Myandagaro 2013. Ico vyavuyeko ntawukizi nk’uko muri Yahoo babivuga, bigashobora kuba intambamyi ku mugambi wa Verison w’ukugura Yahoo.
Yahoo yamenyesheje kuri uwu wa 14 Kigarama 2016, ko yasubiriye kumenya ko hari abakoresheje uwo muhora atari benewo, mu kuraba ubutumwa bw’abantu barenga umuriyaridi bakoresha uwo muhora, ibitari bwigere bibaho.
![](local/cache-vignettes/L672xH336/pira-1e6ce.jpg?1550827496)
Abakoresheje uwo muhora atari benewo bahinduye amazina, aho baba canke amatariki y’amavuka. Muri Yahoo bakamenyesha ariko ko ibijanye n’ububiko bwo muma banki bitakozweko, nk’uko vyemezwa na Loic Pialat, akorera Yahoo mu gisagara ca Los Angeles. Muri Yahoo bemeza ko bagerageje kugabisha abantu vyamenyekanye ko ububiko bwabo bwinjiwemwo n’abatari benebwo, hamwe n’ugufata izindi ngingo z’ukubakingira.
Umugambwi wa "Verizon Communication" ku mafaranga agera ku miriyaridi 4,83 z’amadorare ushobora kuburizwamwo kubera ivyo vyabaye, nk’uko vyemezwa n’ubuyobozi bwa Verison.
IGIHE