Accueil > Amakuru > Utuntu n’utundi > Umusuma w’amakareso yafatanywe ayagera ku 2000
Umusuma w’amakareso yafatanywe ayagera ku 2000
dimanche 18 Munyonyo 2012
Utubutura two munsi y’impuzu bita i kareso turenga igihumbi twafatanywe umusuma mu gihugu ca Thaïlande. Yari yafashwe akekwa ko yoba yiba ibintu vy’inzahabu.
Ni umugabo afise imyaka 48 y’amavuka, igipolisi camuhagaritse ari iwe muhira mu gisagara ca Bangkok ,yari yagirizwa kwiba ibintu vy’agaciro nk’inzahabu ariko yafatanywe ama kareso menshi. Inzahabu igipolisi camufatanye ni nkeya gusa zari zambawe n’umugore wiwe mw’izosi no ku maboko.
Umupolisi yaharuye ayo ma kareso avuga ko yarenga kure ibihumbi bibiri. Uwo musuma yariyemereye ko iyo yivye i kareso aryoherwa. Uwo mu polisi yavuze kandi ko mu kwiba ayo ma kareso, uwo musuma yahora aja gutembera mu ncuti n’abagenzi hanyuma akagenda ahivye nka zibiri canke zitatu.
Gushika ubu nta muntu n’umwe aramwitwarira ko yamwivye i kareso ariko no mu kwezi kwa mbere yari yafatanywe naho nyene ama kareso menshi mu muduga wiwe. Yavuze ko afise ama kareso arenga ibihumbi cumi wenyene.
Diomede K.
Messages
20 Ntwarante 2017, 07:27, par Benny Vivi
yagize neza kuvuga ko niwe yayivye.