Abakuru b’ibisagara bahakanye ubugeni bw’abasangiye ibitsina

Naho mu gihugu c’Ubufaransa bemeje itegeko ritanga uburenganzira bw’ukwubakana hagati y’abasangiye ibitsina, hari abakuru b’ibisagara bamwe bamwe bahakana gushingira abo basangiye ibitsina baba bashaka kwubakana.

Jean-Michel Colo, umwe muri abo bakuru b’ibisagara yamenyesheje inyuma yo kwankira abari bamwituye, ko ata basangiye ibitsina azokwigera ashingira muri komine arongoye, akaba kandi yaranabimenyesheje inzego zo hejuru.

Umuvugizi ya Leta y’Ubufaransa yamenyesheje ko abo barongoye ibisagara bashobora guhabwa ibihano, harimwo no gukurwa mu mabanga. Amenyesha kandi ko bashobora no guhabwa igihano c’umunyororo w’umwaka n’ihadabu ry’amafaranga agera ku bihumbi 75 vy’amafaranga y’amanyaburaya.

Igihugu c’ubufaransa kikaba kigira cumi na kane kimaze kwemeza no guha uburenganzira abubakana basangiye ibitsina.