Accueil > Amakuru > Muri Afrika > Abana barahohoterwa cane mu gihe c’intambara
Abana barahohoterwa cane mu gihe c’intambara
mercredi 10 Ndamukiza 2013
Umuryango wita ku bana Save the Children uravuga ko mu turere twinshi tuvugwamwo intambara abana ari bo ba mbere bageramiwe no gusambanywa ku nguvu n’ayandi mabi ashingiye ku gitsina.
Ibi umuryango Save the Children urabivuga uhereye ku ntahe wahawe mu bihugu bitandukanye vyabayemwo intambara mu myaka 10 iheze nka Colombia, Liberia na Republika iharanira demokarasi ya Congo.
Ubwongereza bwavuze ko mu gihe buzoba burongoye umuryango w’ibihugu 8 bikize kurusha ibindi wa G8 muri uyu mwaka, buzobishira mu bibazo bikenewe guhagurukirwa cane, ikibazo co guhohotera bishingiye ku gitsina mu gihe c’amatati.
Umuryango Save the Children uvuga ko imigambi yo guhagarika ayo mabi no gufasha abana bahuye nayo mabi bidahabwa amafaranga akwiye.
Floxella Karire
