Abana barishwe n’inzara muri Somaliya

Abanyagihugu bagera ku bihumbi amajana abiri na mirongo itanu n’umunani(258. 000) bo mu gihugu ca Somaliya barishwe n’inzara mu kiringo co kuva mu kwezi kwa Gitugutu umwaka w’2010 gushika muri Ndamukiza umwaka w’2012, mu mapfa yamaze amezi atandatu.
Ivyo tubikura mu cegeranyo cakozwe n’ishirahamwe mpuzamakungu ONU. Muri abo bahitanywe n’inzara, abagera ku bihumbi ijana na mirongo itatu na batatu(133.000) ni abana bafise imyaka iri musi y’itanu. Vyemezwa kandi n’ishirahamwe FAO.