Accueil > Amakuru > Mu makungu > Abantu bagera 36 baguye muri Méditerannée hafi ya Malte berekeza i (...)
Abantu bagera 36 baguye muri Méditerannée hafi ya Malte berekeza i Buraya
samedi 12 Gitugutu 2013
Ubwato bwari butwaye abantu barenga 250 bwibiye muri Méditerranée mu bihugu bariko baja i Buraya bidaciye mu mategeko. Iryo sanganya rikaba ryahitanye abagera kuri 36 muri abo hafi y’izinga rya Malte ryo mu Butariyano.
Ibinyamakuru vyaho bimenyesha ko ubwo bwato bwiyubitse, bikavurwako ko bwoba bwibiriye hafi y’izinga rya Malte ryo mu gihugu c’Ubutariyano. Abantu 36 bahasize ubuzima, abarenga cumi ntibaramenyekana irengero ryabo. abanu 206 nibo bonyene bashoboye kurokoka kuko abatabara bihutiye gutabara. Abo bagize ivyo vyago bakaba aribo boba bitabarije bakoresheje iterefone ikorana na satelitte.
Ivyo bikaba bishitse mu gihe haheze iminsi umunani gusa habaye irindi sanganya nkiryo ryari ryabaye ryahitanye abarenga 300 bakomoka muri Afrika. Iryo sanganya naryo rikaba ryari ryabereye hafi yahitwa i Lampedusa.
Aristide Nizigire
