Accueil > Amakuru > Mu makungu > Abantu batari bake bagiye gusezera Hugo Chavez
Abantu batari bake bagiye gusezera Hugo Chavez
vendredi 8 Ntwarante 2013
Kuva mu gatondo ca kare kuri uno wa kane igenekerezo rya 8 Ntwarante 2013,abantu batari bake baje i Caracas ku murwa mukuru wa Venezuella gusezera umukuru w’igihugu Hugo Chavez.
Ikiziga ca Hugo Chavez kizomara indwi mu ngoro y’umukuru w’igihugu kugirango abantu bashobore guca ahari isandugu irimwo ikiziga ciwe ngo bamusezere.
Leta ya Venezuella yamenyesheje ko Hugo Chavez atashingurwa ahubwo bazomusiga imiti ituma ikiziga Cuma,hanyuma bagishire mu nzu ndangakaranga y’igisirikare c’ico gihugu.
Mu bakuru b’ibihugu bari bitavye ivyo birori vyo kumusezera harimwo umukuru w’igihugu ca Iran Mahmoud Ahmadinejad.
Bitegekanijwe ko icegera c’umukuru w’igihugu Nicolas Maduro arahira kugira abe umukuru w’igihugu w’infatakibanza.
Mugisha Van Naris
