Accueil > Amakuru > Mu makungu > Abanyafiripine 170 000 baramaze kuronka imfungurwa
Abanyafiripine 170 000 baramaze kuronka imfungurwa
samedi 16 Munyonyo 2013
Ibifungurwa birahaye birashikira abanyafiripine bahuye n’amakuba. Abantu bagera 170 000 nibo bamaze kuronga ico bakoza ku munwa. Imfashanyo ikaba ikomez itangwa na cane cane mu gisagara ca Tacloban cababaye gusumba ahandi.
![](local/cache-vignettes/L275xH183/imfashanyo-a0992.jpg?1517822918)
Igitwazi c’indege c’abanyemerika « Georges Washington» giherekejwe n’amato yandi agera kuri 7, bimaze gutanga imfashanyo kubahuye n’ivyago muri Philippines. Abantu bagera ku 170 000 nibo bamaze guhabwa ibifungurwa. Abanshi bakaba ari abari mu mihingo igoye gushikamwo. Za kajugujugu z’abanyamerika zikaba ziguma ziseha ibifungurwa, imiti, amazi n’amahema yo gufasha abarokotse ku guhuhusi c’imvura caciye muri ico guhugu, haraciye indwi.
Imfashanyo iri mu mato y’abanyamerika, yashitse ku munsi wa gatanu, ikaba irimwo amatoni 118 y’ibifungurwa. Amashirahamwe ya nka ONU, Croix-Rouge hamwe n’Abaganga batagira imbibe baaba bamenyesha ko imbere y’impera y’iyino ndwi bazoba bamaze gushiraho amavuriro y’infatakibanza mu mihingo yasinzikaye.
![](local/cache-vignettes/L300xH168/kajugujugu-c2e6b.jpg?1517822918)
Mwomenyako ico gihugusi kivanze n’imvura casinzikaje Philippines mu ndwi yahera, kivurwa ko kiri mu bikomeye cane bimaze guca kw’isi. Imikuba y’imetero 5 hamwe n’umuyaga ufise umuvuduko w’ibirometero 300 kw’isaha vyahitanye abantu bagera ku 1000 hamwe n’abarokotse batagira aho bakika umusaya.
INGABIRE Luc-Noël