Accueil > Amakuru > Muri Afrika > Abanyakongo 19 bafatiwe muri Afrika y’epfo
Abanyakongo 19 bafatiwe muri Afrika y’epfo
mardi 5 Ruhuhuma 2013
Igipolisi ca Afrika y’epfo cafashe abanyakongo bakekwa kuba ari abarwanyi bakaba bari mu buraruko bw’igihugu.
Nk’uko bivugwa n’igipolisi ca Afrika y’epfo, abagabo cumi n’icenda bava muri republika iharanira intwaro rusangi ya Kongo bafashwe mu gitondo c’uno munsi, bafatirwa i Limpopo, intara iri mu buraruko bwa Afrika y’epfo.
Ntiharamenyekana neza ico uwo mugwi w’abanyakongo wakora muri Afrika y’epfo, ariko ifatwa ryabo bivugwa ko rije inyuma y’amezi make igipolisi kibarereka.
Umwe mu bihweza ibintu n’ibindi mu vya gisirikare, yavuze ko imbibe za Afrika y’epfo zitugaye neza, ngo ariko yatangajwe n’ubwinshi bw’abo bantu bafashwe.
Abo banyakongo bazoca bajanwa imbere ya sentare i Pretoria. Bagirizwa kurenga kw’itegeko ribuza ibikorwa vya gisikare ku banyamahanga, rikaba rigamije gukumira ibikorwa vy’ubucangero.
Joel Sengurebe
