Abarwanyi ba Boko Haram bashika 109 bishwe

Abarwanyi ba Boko Haram bashika 109 nibo bishwe hamwe n’abasirikare bane n’umunyagihugu umwe, mu bitero vyahuje uwo muhari hamwe n’igisirikare co muri Niger nk’uko bimenyeshwa n’umushikiranganji ajejwe kwivuna abansi Mahamadou Karidjo.

Ibindi bitero bikaba vyabaye mu bisagara ca Bosso hamwe n’i Diffa, mu bumanuko bwa Niger ku rubibe ico gihugu gihana na Nigeria, abantu icumi n’indwi harimwo n’abajejwe umutekano bo mu gihugu ca Nigeria bakaba bahakomerekeye, hamwe n’abandi basirikare babiri baburiwe irengero, nk’uko bibandanya bimenyesha n’uwo mushikiranganji wo kwivuna abansi ku mboneshakure y’igihugu. Akaba atawuramenya aboba barahasize ubuzima ku ruhande rw’abanye Tchad bafashije ingabo za Niger i Bosso.

Tubibutse ko uwo muhari w’intagondwa za Boko Haram zigisibije na cane cane mu gukora ibitero vy’iterabwoba hamwe no kunyuruza utwana tw’abigeme. Uwo muhari ukaba wavutse mu mwaka w’2002, umukuru wawo akaba ari Abubakar Shekau