Accueil > Amakuru > Muri Afrika > Abasirikare ba Tchad bagire batangure kuvanwa muri Centrafrika
Abasirikare ba Tchad bagire batangure kuvanwa muri Centrafrika
vendredi 4 Ndamukiza 2014
Abasirikare bo mu gihugu ca Tchad bari gufasha kugarukana amahoro mu gihugu ca Centrafrika, bagire batangure gusubira iwabo bukebuke kuva aho barasiye abanyagihugu hagapfa 24.
Mw’itangazo ryasohowe na Moustapha Faki Mahamat, umushikiranganji w’imigenderanire ya Tchad n’ibindi bihugu iyo ari mu nama mu gihugu c’Ububirigi, mu nama ihuza Afrika n’Uburaya, avuga ko n’aho bagize utwigoro mu gufasha co kimwe n’abandi mu murwi wa MISCA mu gufasha kugarukana amahoro mu gihugu ca Centrafrika, igihugu kigira gitangure gukura abasirikare baco muri uyo murwi w’ibihugu vya Afrika biriko birakora ukwo bishoboye kugira Centrafrika gisubirane amahoro.
Moussa Faki Mahamat avuga ko ivyo gukurayo abasirikare bitazoca biba gihutihuti. Abasirikare bico gihugu ca Tchad bakaba bari bamaze kwagirwa incuro nyinshi kurasa mu banyagihugu, eka ndetse bakaba batashimishan’abanyagihugu vyitwa ko bagiye gucungera.
![](local/cache-vignettes/L672xH380/2013-12-09t181457z_384089764_gm1e9ca065n01_rtrmadp_3_centralafrican-france_0-72f36.jpg?1551196761)
Aristide Nizigire