Accueil > Amakuru > Mu makungu > Afghanistan: NATO yahinduye umuyobozi
Afghanistan: NATO yahinduye umuyobozi
dimanche 10 Ruhuhuma 2013
Umusirikare w’ipete ya General w’umunyamerika arwanira mu mazi, Joseph Dunford yasubiririye General John Allen ku ntebe yo kurongora ingabo za NATO ziri muri Afghanistan.
Ibirori vy’iryo bisikanya vyabereye ku biro bikuru vy’umuryango wo gutabarana wa NATO hanze y’umurwa mukuru wa Kabul.
General Dunford niwe azohagararira igikorwa co gutahukana abasirikare b’abanyamerika bava muri Afghanistan.
Iyi niyo ntambara Amerika imazemwo igihe kirekire yarungitsemwo abasirikare.
Imbere y’uko ava muri ayo mabanga, General Allen yabwiye BBC ko yemera ko NATO yatsinze intambara irwana n’abataliban.
Igisirikare ca Afghanistan ubu nico kirongoye ibitero vyinshi ariko gisaba ko NATO yokwitonda ikaguma muri Afganistan kugirango ibafashe.
Mugisha Van Naris
