Accueil > Amakuru > Utuntu n’utundi > Akamaro k’icayi c’urwatsi rubisi (Thé vert) ku magara y’abantu
Akamaro k’icayi c’urwatsi rubisi (Thé vert) ku magara y’abantu
dimanche 15 Kigarama 2013
Icayi c’urwatsi rubisi, kiri muvyagizweko amatohoza atari make ku magara y’abantu. Abashakashatsi batari bake bakemeza ko kiri mu binyobwa bifise akamaro kanini kw’isi, kandi kidatera amakenga ku magara y’abantu.
Icayi c’urwatsi rubisi gifise murico akanovera ngirakamaro ku magara y’abantu
Gifise ivyunyunyu nka polyphenols, flavonoide na catechine. Ni ivyinyunyu bikingira umubiri, bikawurinda gusaza ningonga.
Kiri mu bituma ubwonko bukora neza, kikanatuma n’umuntu akerebuka
Ni icayi gituma umubiri ugumana inguvu zo gukora, gituma umuntu aba incambwenge gusumba. Kiratandukanye n’ikawa kuko yoyo ifise ubumara bwinshi bushobora kuduza birenze itera ry’umutima. Icayi kandi gifise ivyunyunyu vya acide amine bigabanya ibigumbagumba vy’umubabaro.
![](local/cache-vignettes/L600xH398/the-fbc79.jpg?1517283020)
Kiri mu bituma ibinure vyo mu mubiri biyonga, umubiri ukagira inguvu
Ivyirwa vyakozwe ku cayi, vyerekana ko ic’urwatsi rutoto (the vert) gifise ubushobozi bwinshi mukuyongesha ibinure vyo mu mubiri, umubiri ugakomera, mbere n’imirindi y’amaraso igakora ata ngorane.
Icayi kiragabanya ibakwe yo kurwara indwara ya kanseri
Ingaburo dusanga mw’icayi c’urwatsi rutoto ziri mu bituma ibakwe ryo gushobora kurwara indwara ya kanseri yo mu mabere, yo mu mara canke yo mu dutsi dukorana n’ibihimba vy’irondoka (prostate, col uterin) rigabanuka. Nubwo ico cayi ari ciza, abantu bogaba, bakirinda kuza barakivanga n’amata kuko gishobora kugabanya ingaburo zari muri ico mu gukingira umubiri.
Icayi "The Vert" kigabanya ibakwe ryo gufatwa n’indwara yo kwibagira
Mu vyavuye mu matohoza yakozwe mu buryo butandukanye haba no ku bikoko, ingaburo catechine na polyphenols dusanga mu cayi (the vert) zifise ubushobozi bwo gukingira idutsi two mu bwonko, bukaguma bukorana inkomezi, mbere n’amahirwe yo kwibagira akagabanuka.
Icayi c’urwatsi rubisi gifise ingaruka nziza ku menyo
Ingaburo catechine dusanga muri ico cayi zishobora kurinda imigera itera indwara z’ibicurane, hamwe n’imigera ituma amanyo abora bigaca bituma umuntu agira n’akamoto kabi mu kanwa.
Kifasha mu kurinda indwara y’igisukari yo mu murwi wa 2 (Type2)
Aho mwokibuka ko indwara y’igisukari ihitana abantu bagera ku miriyoni 300 kw’isi. Icayi c’urwatsi rubisi kikaba gifise ubushobozi bwo kugabanya isukari mu maraso, kikanaduza n’urwagasha, ivyo bigaca bituma indwara y’igisukari ishobora kugabanuka gushika ku bice 18 kw’ijana.
Ico cayi kiragabanya kandi indwara zo mu mutima
Abashakashatsi banonosoye indwara z’umutima, baremeza ko icayi c’urwatsi rubisi gishobora kugabanya ibinure( cholesterol) gushika ku bice 31 kw’ijana. Mu gihe indwara z’umutima ziterwa ahanini n’ibinure vyinshi biba biri mu muburi kandi ko ziri mu ndwara za mbere zihitaha abatari bake kw’isi.
Kirafasha mu kugabanya ibiro
Icayi rw’urwatsi rubisi gituma umubiri ukora neza (Metabolisme), kigabanya ibinure birenze mu mubiri, ibiro , mbere no mu nda hakagabanuka. Ivyo bikemezwa n’ababigize kw’amatohoza.
Kiri mu bituma abantu bashobora kuramba
Mu gihe twabonye ko ico cayi kirinda indwara zitari nke zikunze kubangamira umubiri, kubakinywa kenshi, ni ivyerekana ko n’amagara y’umuntu aguma anonotse, ivyo navyo bikamuha kuramba. Ku matohoza yakozwe ku bantu bagera kuri 40 bo mu gihugu c’ubuyapani, vyagaragaye ko abanywa udukombe (Tasse) dutanu canke turenga ku munsi, bafise amahirwe yo kudapfa giturumbuka gushika ku myaka 11.
Mariella Bukuru
Messages
15 Kigarama 2013, 20:55, par Epimac
Murakoze kuriyo nkuru, ariko ntimutubwiye aho ico cayi twokigura, mu Burundi twokironka. Nsomye inkuru nziza, gerageze mutubwire amasoko ou ama Shop twogisangamwo.
16 Kigarama 2013, 08:30, par Niyomwungere
Icayi The Vert hano i Bujumbura umuntu agikeneye yoja kubaza nko muri T2000, bahora bakigurisha.
28 Ntwarante 2015, 22:20, par Janvier
ndabaza umuntu yoshira icayi kingana gute muri 1l yamazi?canke icocayi mwatubujije gushira mwo amata isukariyoyo kuyishiramwo ntakibazo?
15 Myandagaro 2015, 21:36, par nyabenda
icayi(thé vert) coba kirwanya ubuhanza(calvitie) kigatuma umuntu abufise umushatsi umera ubuhanza bukazimangana?
21 Gitugutu 2015, 14:38, par Faustn.birikunzira
Mundusobanurire icayi Nico muganda ikindi umuntuyashiramo isukari
21 Gitugutu 2015, 14:39, par Faustn.birikunzira
Mundusobanurire icayi Nico muganda ikindi umuntuyashiramo isukari
29 Nzero 2018, 15:17, par Osuine
Bnjr, Abakeney the vert bo ndondera Kuri 79734806,kuko ndayirima caaane knd nyinshi
27 Mukakaro 2018, 22:22, par Ndikuman Elias
Nabakurikiranye Bien .None Umuntu Ayifashe Agaca Ata Ibiro Ntabwo Bovuga Kumugera Wamumaze? Merci.