Accueil > Amakuru > Muri Afrika > Algeria : Bariko barondeza urushinge umufaransa yagizwe imbohe (...)
Algeria : Bariko barondeza urushinge umufaransa yagizwe imbohe n’abihevyi
mercredi 24 Nyakanga 2014
Igisoda co muri Algeria caragerageje uko gishoboye, ejo haheze, kugira gikure mu vyara vy’umurwi wa bihevyi Hervé Gourdel umufaransa yanyurujwe ku munsi w’Imana ahitwa Kabylie, mu buseruko bwa Alger. Abo bihevyi bari bamenyesheje ko bamwica ejo haheze.
Abamunyuruje, bari mu murwi w’iterabwoba jihade wo muri Algeria "Jund al-Khilafa" ushigikiye reta y’igisilamu (Etat Islamique), bagize iterabwoba ku munsi wa mbere ko bica iyo mbohe igihugu c’Ubufaransa ni kidahagarika musi y’amasaha 24 ibitero vy’indege mu gihugu ca Irak.
Umushikiranganji wa mbere Manuel Valls yaremeje ko ibiganiro bitazokwigera biba hagati y’uwo murwi n’igihugu c’Ubufaransa. Abasoda banonosoye ivyo kurwanya iterabwoba baba nya Algeria bakaba barondereye mu misozi yuzuyemwo ibiti aho uyu mufaransa w’imyaka 55 yanyururijwe. N’abaporisi benshi bakaba bari kw’ibarabara rinyuragira muri iyo misozi.
Umunsi w’ejo ukaba waheze ubutegetsi bwa algeria ataco bushikirije ku vyavuye muri ayo matohoza.
Nadege Irakoze
