Amabanga akomeye ya Obama agire aje ahabona

Ibiro bijejwe igendereza mu Leta zunzubumwe za Amerika, biregeranya amakuru aca ku mirongo ya terefone ndetse birafise n’uburenganzira bw’ukwinjira muri amwe mu mabanga y’ubuhinga ngurukanabumenyi nka Facebook na Google.

Ivyo bikaba rero vyaremejwe ku ntwaro ya Bush ndetse na Obama. Abanyepolitike rero bamwe bamwe bo muri Leta zunzubumwe za Amerika bagize ico bavuga ku mabanga amwe amwe yaraye ashizwe ahabona na ‘’Guardian’’ na ‘’Washington Post ‘’ kuri ubwo buhinga. Abatari abke bakavuga ko vyari vyaravuzwe ariko bitari bwaje ahabona.

Umukuru w’ibiro vy’igendereza aho muri Leta zunzubumwe za Amerika James Clapper avuga ko kubona amabanga amwe amwe y’igihugu yoja ahabona ko ivyo bihungabanya umutekano w’igihugu, Abandanya avuga ko ivyo biriko biravurwa ko bihungabanya umutekano w’igihugu.

Ariko rero ibiro vy’umukuru w’igihugu bivuga ko ivyo atari vyo na gato, bagasaba abanyamerika bose kugumya umutima munda co kimwe n’abandi bose baba muri ico gihugu ko atanzu ziriko zirasha. Ikinyamakuru ‘’The Guardian’’ carashize ahabona bimwe mu vy’ ubutungane biri mw’ibanga vyategeka ubuhinga bwa terefone bwo muri Leta zunzubumwe z’Amerika gutanga ku nguvu ivyavuzwe n’abanywanyi b’amashirahamwe ba terefone ngendanwa bose kuva muri Ndamukiza gushika muri Muri Mukakaro mu biro vy’igendereza hamwe no mu biro bishinzwe umutekano hagati mu gihugu.

Abashingamateka rero bamenyesha ko bari bazi ko kuva mu mwaka w’2007, haboneka umwanya abanyanyi bavuganiyeko ariko ivyo bavuganye ntibiboneke ngo bije ku mugaragaro.

Mu butegetsi bavuga ko ubwo buryo bwo mu 2007 bwatumye bakingira igihugu imirwi y’iterabwoba, kandi bakemeza ko hari igitero cabujijwe n’ubwo buhinga, igitero gikomeye cane cagire kibe aho muri Leta zunzubumwe za Amerika.