Amasezerano y’ingurane n’ibanki ZEP

Ibanki ZEP n’umugambi Backbone System wo mu Burundi barateye umukono ku masezerano y’ingurane y’amafaranga y’amadolare ku miliyoni 13, 267,058

Kubwa Tabu Abdallah Manirakiza, umushikiranganji w’ikigega ca Leta, iyo ngurane izokoreshwa mu guteza imbere ubuhinga bwo gutumatumanako amakuru, abanyagihugu bakaba bazoharonkera akunguko kuko ibiciro bizogabanuka bimwe biboneka.

Umushikiranganji Tabu Abdallah Manirakiza asaba abanyamitahe gutangura kwiyumvira imigambi bokora kuko mu mpera z’uyu mwaka turimwo, mu gihugu nka hose hazoba hamaze gutanguzwa ubwo buhinga.

Tabu Abdallah Manirakiza abandanya amenyesha ko uwo mugambi uzoranguka mu bice bibiri, igice ca mbere muri Ruheshi umwaka w’2013, ica kabiri naco mu mpera z’umwaka. Kazoba kabaye akaryo k’amashirahamwe n’amahinguriro ko kwiteza imbere.

David Easum, Umuyobozi mukuru w’ishirahamwe BBS arakenguruka utwigoro tw’abafashije batandukanye, amenyesha kandi ko iyo ngurane uzokwishurwa mu myaka cumi iri imbere, ku kunguko k’ibice icenda kw’ijana 9%