Arakaza Mac Arthur umunyegori w’intamba mu rugamba aranezerejwe n’intambwe agezeko

Arakaza Mac Arthur avuga ko aravye igihe yatanguriye gukina umupira w’amaguru , abona ko agenda atera intambwe kuko yabitanguye akiri mutoyi mu mwaka w’2006, ubu akaba afise imyaka 28 .

Mu mwaka w’2007, akaba yari umunyegori w’umurwi wa “Eggle noire” y’i Makamba .
Muri 2008 gushika 2009, yari umunyegori w’umurwi wa Vitalo FC .
Muri 2009 gushika 2010, yari umunyegori wa mbere mu mashuri y’umupira w’amaguru muri Afrika yepfo.

Kuva muri 2012, yari umunyegori w’umurwi wa LLB, hama atorwa mu banyegori b’umurwi nserukiragihugu kuko yabaye umunyegori yavyifashemwo neza mu bihugu vyose vyari vyitabiriye CECAFA mu mwaka wa 2012.

Ubu mu 2013 akaba ari umunyegori w’umurwi wa Frambo de l’Est ,umurwi ubu ufise ikibanza ca kabiri mw’ihiganwa ry’u Burundi.

Ubu akaba ariko aritegurira urukino rw’intamba mu rugamba ruzozihuza n’umurwi nserukiragihugu wa Soudan, narirya abifisemwo ubumenyi bwinshi , eka n’ingene abandi bamubona, atabura guhamagarwa n’umumenyereza w’intamba murugamba.