Baghdad: Ibitero vyahitanye abarenga 50

Abantu hafi 50 birishwe abandi barenga 160 barakomereka mu bitero vy’amabombe n’ivy’abiyahuzi vyari biteguwe neza ku murwa mukuru Baghdad no mu micungeraro yawo.

Iyo ntureka yadutse mu gihe Iraq yariko iritegurira kwibuka imyaka icumi iheze Iraq itewe n’ingabo mpuzamakungu zari zirongowe na Leta Zunze Ubumnwe za Amerika.

Nta mugwi n’umwe uremenga ko ariwo wakoze ivyo bitero ariko ibitero bisa n’ivyo vyakozwe n’umugwi w’aba Sunni ucuditse na Al-Qaeda kugira uhungabanye Leta irongowe n’aba Shia.

Uwo mutekano muke watumye Leta isivya amatora yo mu mtara yari ategekanijwe, mu ntara zibiri Anbar na Nineveh akaba atazoba imbere y’amezi atandatu.