Accueil > Amakuru > Muri Afrika > Umwe mu bateye kaminuza ya Garissa yamenyekanye
Umwe mu bateye kaminuza ya Garissa yamenyekanye
mardi 7 Ndamukiza 2015
Bamwe mu bihevyi b’umuhari wa al shabab baheruka gutera kaminuza ya Garissa mu gihugu ca Kenya, batanguye kumenyekana.
![](local/cache-vignettes/L482xH414/abda-e3023.png?1517486928)
Umwe ni mwana w’umuhungu yari ahejeje amashure yiwe ya kaminuza mu gisata c’amategeko muri kaminuza imwe yo mu gihugu ca Kenya. Uwo musore azwi kw’izina rya Abdirahim Abdullahi, yavukiye mu gihugu ca Kenya, ariko amamuko ya se akaba ari mu gihugu ca Somaliya. Inyuma yo kurangiza amashure yiwe mu gisata c’amategeko, akaba atasubiye kuboneka mu gihugu ca Kenya, bikavugwa ko yaciye aja kwiga ibijanye n’ubwihevyi mu muhari wa al shabab, nk’uko vyemezwa na se wiwe.
Uwo musore rero bivugwa ko yari aciye ubwenge no mw’ishure, mbere akabonwamwo nk’uwari afise kazoza keza mu butungane bw’aho muri Kenya. Yatowe mu bindi biziga bitatu vy’abateye aho muri iyo kaminuza, hagapfa abagera kw’148, harimwo abanyeshure b’iyo kaminuza 142, bamwe mu bashinzwe gucungera umutekano n’abandi muri abo bihevyi.
![](local/cache-vignettes/L672xH336/garissa-2-c913f.jpg?1551186017)
Muri abo bishwe kandi, hari hagwiriyemwo abari mw’idini ry’abakatorika. Mu nkuka y’imisa yasomwe kuri Pasika i Nairobi, hakaba hasabwe cane cane, umwumvikano hagati y’abari mu madini atandukanye. Nayo, imbere y’ukwinjira mw’isengero, abakirisu bose, bakaba babanzwa gusakwa, abaporisi nabo isinzi bari bakikuje Cathedrale nkuru y’i Nairobi.
Mukamenya ko haciye hashingwa ikigandaro c’iminsi itatu, nayo mu nyuma z’ico gitero, igihugu ca Kenya kikaba caciye gisambura amakambi abiri, y’abo bihevyi, bitwaza idini rya Islam muri Somaliya.
![](local/cache-vignettes/L545xH365/gariss-ee4aa.jpg?1517486928)
Aristide Nizigire
Messages
7 Ndamukiza 2015, 10:32, par negetif
Uwo akwiye guca nawe yicwa kuko atevye atera akababaro abauze!!ntakwiye nokwerekanwa isanamu!!!
7 Ndamukiza 2015, 10:49, par Alphonse
Ariko se abz bantu bazokuica gushika ryari ????
7 Ndamukiza 2015, 12:29, par oswald
imana ibaharire ntibazi ivyobakora
7 Ndamukiza 2015, 19:26, par vuganeza
mwabonye uyo mwicanyi,ni umwungu wa rwa ruyuzi muze mubamenya!!!
7 Ndamukiza 2015, 21:39, par me
negetif, kumbure nasomye nabi, ariko umengo bavuze ko ari muri 3 baba teroliste bagandaguwe, muri kirya gitero!
7 Ndamukiza 2015, 22:26, par Daniel
"C’est le lion que tu engraisses qui te tue", NTIMUJE KURE, umwe wese arabe aho aherereye musanga mukikijwe n’abihevyi gusa.
7 Ndamukiza 2015, 23:37, par Isaac d’Abraham
Aha,mbe nyene abategetsi bacu bibuka gutora ingegene imisure yagurutse?birame mbone,bishwe bisanzwe bivugwavugwa ko harihasanzwe hitezwe igitero nk,ico.kuki batakinze kare incambwenge nk,izo zitarahasiga ubuzima?ndatangazwe n,uburyo amakaminuza afatwa muri afrika aho iburayi n,ahandi kaminuza ar,ikigo gifatwa nk,umutima na kazoza k,igihugu.raba uburundi si kera havuzwe uruhagarara rufatiye kuri politike aho muri kaminuza.reta yakoze iki kugira ikinge amaraso ntaseseke?ahubwo ntibarindiriye gukinga nko muri kenya ayaseseka yasesetse?kera bavuga ngo iriserutse ntiryica isuka,ubuho niryo riyivuna.duhe agaciro afrika nziza yacu urabeko n,abazungu bataza kudusega.none afrika ibuziki?ugushaka kw,abanye politike gusa.ubundi imana yayihaye vyase kandi vyiza.tuyubake ntamuzungu azoyitwabakira kiretseko azodufasha kuyisenyura nakare ngo uwutema urwiwe bamutiza umuhoro.baho afrika!vive l,afrique!
8 Ndamukiza 2015, 08:38, par RUPANDE
Mbe vuganeza uvuze ngo uwo musore numwungu wa rwa ruyuzi ub ushats kuvuga iki ga nyakuvugindiga!
8 Ndamukiza 2015, 10:20, par hassan
imana ighe yarimbuye abanyavyaha nkabo bicira bandi ubusa atacobazira mbega icra!!bazoboroga,bazotaka atawebatakira,bibukee kwataribobiremye twese twabonye turikwiyisi .jewe ndumusiramu turabeneza ijuruturondera siryo jewe mpise ndarivamwo ntavyokwitamumuriro ndawubona
8 Ndamukiza 2015, 10:49, par vuganeza
we rupande
ico nashatse kuvuga kiriho ,ikibwigwa nicumva,icerkwa n’ikibona,kenya iyo ireka kubakira ntiba ifise igorane!