Accueil > Amakuru > Mu makungu > Bangladesh: Abantu 50 batowe ari bazima
Bangladesh: Abantu 50 batowe ari bazima
samedi 27 Ndamukiza 2013
Imirwi ijejwe gutabara abaguweko n’inyubakwa yatikije inganda watoye abagera ku 50 mu mfuruka bakiri bazima. Abantu baranezerewe bamaze kumenya ko hari abagihumeka muri ya nyubakwa yahenuka ku munsi wa gatatu.
Igipolisi cakoresheje imyuka irakira n’ibisasu kugira bashwiragize abantu bari mu myiyerekano yo gusaba gufatwa neza mu kazi ku bakora mu mahinguriro y’impuzu.
Iyo myiyerekano yatumye abantu barenga 290 bitaba Imana, bivuye ku nyubakwa yasidutse, yakoreramwo abahingura impuzu.
Abari mu myiyerekano bamenaguye imodokari, baturira n’inyubakwa ku murwa mukuru Dhaka.
- Inyubakwa yaguye Dhaka
Basaba ko bene amashirahamwe y’impuzu yakorera mu nyubakwa yaguye ku bantu ikiha inkumbi ku musi wa gatatu bategetse abakozi kugumayo kandi hari ibimenyetso ko ishobora guhenuka, ko bafatwa bakabazwa.
Abajejwe gutabara kugeza ubu baracariko baragerageza kurondera abakiri mu vyabomotse baharurwa mu majana, mu gihe abamaze kumenyekana ko bapfuye ubu bageze ku 290.
Tubamenyeshe ko ayo mahinguriro yakorera muri iyo nyubakwa yahingura impuzu zaja mu bihugu vya Bulaya na Leta Zunze ubumwe za Amerika.
Floxella Karire
