Bangladesh: Igisirikare catumweko kugirango kibuze imyiyerekano

Abanywanyi b’umugambwe Jamaat-e-Islami bakwiye ku nzu zikoreramwo igipolisi muri kano gatondo ko kuw’Imana, biyamiriza igihano co gupfa caciriwe umwe mu bategetsi bakuru b’uwo mugambwe.

Nk’uko amakuru dukesha BBC abimenyesha,abasirikare b’igihugu barungitswe mu gisagara ca Bogra kiri mu buraruko kugirango bafashe mu gikorwa co kubuza iyo myiyerekano.

Ayo makuru abandanya avuga ko,mu kubuza iyo myiyerekano imaze iminsi ine, igipolisi cakoresheje amasasu atica,n’imvyuka vyokera bikoroza amosozi.

Abashigikiye uwo mugambwe Jamaat-e-Islami batanguye imyiyerekano y’iminsi ibiri,iyo nayo iriko ibera mu gihugu cose.

Abantu bashika mirongo itanu nibo bamaze kuhasiga ubuzima kuva ku munsi wa kane.