Accueil > Amakuru > Mu makungu > Bangladesh: Nyene inzu yasenyutse yafashwe
Bangladesh: Nyene inzu yasenyutse yafashwe
dimanche 28 Ndamukiza 2013
Igipolisi co muri Bangladesh cavuze ko cafashe nyene inzu zasenyutse, Mohammed Sohel Rana, yari yarahunze kuva aho izo nzu zisenyukiye. Yafatiwe hafi y’ururibe rw’Ubuhinde, mu gace ka West Bengal. Abantu bari aho izo nzu zasenyukiye baryohewe cane, ndetse bakoma amashi menshi bumvise iyo nkuru.
Igipolisi co muri Bangladesh kandi cataye muri yompi ejo abakozi babiri bo mu nganda zasenyutse kuwa gatatu zigahitana abantu barenga amajana atatu.
Abakorera muri izo nzu bemeza ko baje kuzigendura umunsi umwe imbere y’uko zirwa, ba nyenezo bakavuga ko zikomeye ata ngorane zifise.
- Mohammed Sohel Rana,Nyene Inzu
Hari na nyene uruganda rukora impuzu hamwe n’umuyobozi warwo batawe muri yompi.
Abatabazi baracagerageza kurondera abantu bagera mu majana bakiri munsi y’ayo mazu yabomotse.
Ejo kuwa gatandatu bashoboye gutabara abandi bantu 26 bari bakiri munsi y’ayo mazu.
Aristide Nizigire
