Accueil > Amakuru > Mu makungu > Barack Obama, na perezida wa Korea y’epfo munzira imwe
Barack Obama, na perezida wa Korea y’epfo munzira imwe
mercredi 8 Rusama 2013
Perezida wa Amerika Barack Obama, yatangaje ko Leta Zunze Ubumwe za Amerika na Korea y’epfo vyokwakira neza ihinduka ry’inyifato y’igihugu ca Korea ya ruguru ku mugambi w’ico gihugu werekeye ibirwanisho ruhonyanganda.
Yamara perezida Obama, yatangaje ko Amerika yiteguriye kwivuna Korea ya ruguru, n’ugutabara ibihugu bicuditse.
Mw’ijambo yatangarije mu biro vyiwe, Maison Blanche, ejo ku musi wa kabiri ari kumwe na perezida wa Korea y’epfo, Park Guen-Hye, perezida Obama yatangaje ko Amerika na Korea y’epfo vyiteguriye ibiganiro ku vyerekeye Korea ya ruguru, yamara ngw’ivyo bizosaba uguhindura inyifato kw’abategetsi ba Korea ya ruguru.
Yavuze kw’imisi aho Korea ya ruguru yashobora gutera ibibazo, kugira irondere kw’amakungu agira ivyo ayihebeye yarangiye, mu kuvuga ko Amerika na Korea y’epfo vyunze ubumwe bikomeye, mu gihe Korea ya ruguru itera yikumira mu makungu kurushiriza.
Ikiganiro perezida Obama yahaye abamenyeshamakuru, cabaye inyuma y’ibiganiro hagati yiwe na mugenziwe wa Korea y’epfo, kuri Korea ya ruguru, n’inyifato ico gihugu giherutse kwerekana, mu kugabisha gukoresha ibirwanisho ruhonyanganda
Joel Sengurebe
