Accueil > Amakuru > Mu makungu > Bashar al-Assad aregwa kuba akoresha ibirwanisho birimwo uburozi
Bashar al-Assad aregwa kuba akoresha ibirwanisho birimwo uburozi
vendredi 17 Rusama 2013
Umukuru w’igihucu ca Leta zunze ubumwe za Amerika Barack Obama n’umushikiranganji wa mbere wa Turkiya Recep Tayyip Erdogan, bavuze ko ivyo bihugu uko ari bibiri vyiyemeje kotsa igitutu umukuru w’igihugu ca Siriya Bashar al-Assad kugira ave kubutegetsi, hajeho Leta y’imfatakibanza ya politike.
Igihe kuri uyu wa 16 Rusama 2013 Recep Tayyip yabonana na Obama mu biro vy’umukuru w’igihugu, bamenyesheje abamenyeshamakuru ko Turkiya na Leta zunze ubumwe za Amerika bagiye gukorera hamwe mu ntumbero yo gukura Bashar al –Assad kuko abangamiye agateka ka zina muntu.
Kubijanye n’ibirwanisho birimwo uburozi Bashar al-Assad yagirizwa ko akoresha, Obama avuga ko Bashar al-Assad abangamiye umutekano w’abanyagihugu ba Siriya hamwe n’uw’incuti zabo, ko rero bagiye gukora ibishoboka agasubirizwa.
Aristide Nizigire
