Accueil > Inkino > FOOTBALL > Bayern Munich i Barcelone udafise Franck Ribery
Bayern Munich i Barcelone udafise Franck Ribery
mardi 5 Rusama 2015
Umurwi Bayern Munich wo mu Budagi wafashe urugendo uja muri Espanye,mu rukino ruzowuhuza na Fc Barcelone kuwa gatatu igenekerezo rya 6 Rusama, udatwaye umusatirizi wawo Franck Ribery.
![](local/cache-vignettes/L664xH426/bayern-2-2a1b8.jpg?1517291142)
Urwo rukino rwo gutangura rw’igice ca kabiri gishira ica nyuma ruzobera ku kibuga c’umurwi Fc Barcelone Camp Nou. Uwundi mukinyi vyari vyitezwe ko atazokina ni Lewandowski avuka mu gihugu ca Polonye inyuma y’aho akomerekeye mu maso, mu rukino rwahuza umurwi wa Bayern n’umurwi wa Dortmund mu gikombe c’Ubudagi.
Ribery ntiyajanye n’abandi bakinyi kubera yakomeretse ku kuguru mu kwezi kwa gatatu. Matthias Sammer umuyobozi w’ubuhinga muri Bayern Munich yavuze ko Ribery adashobora kugaruka mu kibuga mu minsi ya vuba.
Umumenyereza Pep Guardiola azokina urwo rukino atari kumwe kandi na Arjen Robben nawe yakomerekeye mu nkino z’igikombe c’Ubudagi,David Alaba akina ku ruhande rw’inyuma hamwe na Holger Badstuber.
Urukino rutangura kuri uno wa kabiri ruhuza umurwi wa Juventus wo mu Butariyano hamwe na Real Madrid wo mu gihugu ca Espanye.
Van Naris Mugisha