Biriwe barasengera Mandela muri Afrika y’Epfo

Havuzwe ibisabisho mu masengero yo muri Afrika y’epfo basabira Nelson Mandela ngo akire uburwayi bw’amahaha bwasubiriye kumufata.

Abajejwe intwaro bavuze ko Mandela w’imyaka mirongo icenda n’ine, ahema atangorane, ariko aracaremvye aho ari mu bitaro yinjiye ejo kuwa Gatandatu igenekerezo rya 8 Ruheshi 2013.

Umukuru w’igihugu Jacob Zuma yavuze ko azoja gusuhuza Mandela abaganga nibabimwemerera. Ni ubugira gatatu Mandela asubiye kuremba muri iyi minsi. Mandela abonwa nk’umuvyeyi wa Afrika y’epfo kubera yakuye intwaro ivangura ya apartheid. Yatanguye kuguma arwaragurika muri aya mezi atandatu aheze.