Bresil: Abagira imyiyerekano bakomeza kuba benshi

Abantu bagera ku muliyoni umwe bitabiriye imyiyerekano yabereye mu bisagara bigera kw’ijana mu gihugu cya Brazil.

Iyo myiyerekano yiyamiriza ubutegetsi bubi burangwa n’igiturire hamwe n’imyitegurio izimvye yo kuzoja gukurikirana amahiganwa y’igikombe c’isi yose kizobera muri ico gihugu mu mwaka w’2014.

Ahantu henshi, iyo myiyerekano yaranzwe n’imvururu, igipolisi cakoresheje imvyuka birakira n’amasasu kugira bashobore gushwiragiza abari mu myiyerekano.

Ku murwa mukuru Brasilia, abari mu myiyerekano bagiye aho inama nshingamateka ikorera n’ubushikiranganji bw’imigenderanire n’ayandi makungu.

Umukuru w’igihugu ca Bresil Dilma Rousseff yahamagaje inama idasanzwe yo kwiga ikibazo c’uwo mutekano utera uba muke.

Dilma Rousseff , umukuru w’igihugu ca Bresil