Accueil > Inkino > FOOTBALL > Amatora mw’ishirahamwe ry’umupira w’amaguru ntakibaye kuwa 5 Rusama
Amatora mw’ishirahamwe ry’umupira w’amaguru ntakibaye kuwa 5 Rusama
lundi 29 Ndamukiza 2013
Haraciye iminsi itari mike habonetse ukutumvikana ingene amatora yotegurwa y’urwego nshingwabikorwa rw’umupira w’amaguru mu Burundi.
Umukuru w’ishirahamwe ry’umupira w’amaguru mu Burundi, umupfasoni Lidiya Nsekera yamenyesheje ko amatora azotegurwa n’ishirahamwe mpuzamakungu ry’umupira w’amaguru kw’isi, FIFA, kw’igenekerezo ritaramenyekana. Ayo matora akaba yari ategekanijwe kw’igenekerezo rya 5 Rusama 2013.
Umupfasoni Lidia Nsekera amenyesha ko muri iki kiringo yari amaze arongoye iryo shirahamwe, icari kimuraje ishinga kwari uguteza imbere umupira w’amaguru mu Burundi, akaba rero abona ishirahamwe arongoye rigeze ku ntambwe ishimishije, kuko Uburundi bwigenjeje neza mu mahiganwa ya Afrika mu mupira w’amaguru.
Mukurangiza, uwurongoye ishirahamwe ry’umupira w’amaguru mu Burundi, Lidiya Nsekera avuga ko abagiraneza bitavye akamo ko gufasha imigambi imwe imwe yari yateguwe n’ishirahamwe, kandi abagiraneza barafashije mu myigisho zateguwe n’ishirahamwe ry’umupira w’amagura mu Burundi.
Aristide Nizigire
