Accueil > Amakuru > Muri Afrika > Cameroun : Abapadiri babiri hamwe n’umubikira b’abanyamahanga (...)
Cameroun : Abapadiri babiri hamwe n’umubikira b’abanyamahanga banyurujwe
samedi 5 Ndamukiza 2014
Abapadiri babiri hamwe n’umubikira umwe w’umunyacanada baranyurujwe mu buraruko bw’igihugu ca Cameroun.
Abapadiri babiri hamwe n’umubikira w’umunyacanada baranyurujwe ku munsi wa gatanu, mu gitero c’abantu bitwaje ibirwanisho.
Ikigo Ansa kimenyesha ko iryo nyuruzwa ryabereye mu buraruko bw’igihugu ca Cameroun, mu gihe c’isaha munani z’ijoro. Haje imodoka nyinshi, mu nyuma batangura kurasa abanyagihugu, niho mu nyuma bahavuye babanyuruza.
Gushika kuri uwu wa gatandatu, nta n’umwe ariyitirira ico gitero naho abenshi bibaza ko ari abarwanyi ba Boko Haram.
Tubibutse ko haheze amezi atatu gusa uwundi mupatiri w’umufaransa yitwa Georges Vnadenbeusch yari yanyurujwe muri ako karere nyene mu kwezi kwa Myandagaro 2013.
Umwe muri abo bapadiri yanyurujwe kuri uno wa gatanu yari amaze mu gihugu ca Cameroun imyaka itandatu, uwundi nawe akaba yari ahamaze umwaka umwe gusa.
Floxella Karire
