Accueil > Amakuru > Muri Afrika > Catherine Ashton yaganiriye na Mohamed Morsi
Catherine Ashton yaganiriye na Mohamed Morsi
mardi 30 Mukakaro 2013
Uwujejwe imigenderanire mw’ishirahamwe rya Bulaya Catherine Ashton, yabonanye na Mohammed Morsi aheruka gukurwa ku butegetsi mu Misiri.
Catherine Ashaton yatangaje ko yabonanye na Mohammed Morsi aho ari mu kibanza kitigeze kimenyeshwa, kandi ko ameze neza.
Yavuze ko Mohammed Morsi afise uburenganzira bwo kuraba imboneshakure no gusoma ibinyamakuru.
Catherine Ashton yavuze kandi ko baganiriye na bwana Morsi umwanya uhagije, aho bahurije ku kubona ko ari nkenerwa ko Misiri ikomeza guter’intambwe ija mbere.
Catherine Ashton yahamagariye abanya Misiri kwumvikana ku kibazo barimwo, aho yavuze ko kugitorera umuti bitegerezwa kubamwo uruhara rwa bose atawukumiriwe.
Hagati aho umushikiranganji w’imigenderanire w’Ubufaransa Laurent Fabius yahamagariye abategetsi ba Misiri kurekura umushingantahe Morsi.
Mariella Bukuru
