Centrafique : Igenwa rya Mahmat Kmoun ryiyamirijwe

Urunani rw’imihari yahoze irwanya Reta ya Centrafrica "Seleka", rumenyesha ko uwagenywe kugira abe umushikiranganji wa mbere w’ico giihugu Mahmat Kmoun, atari uwubakomokamwo, nk’uko vyari bitegekanijwe.

Abahurikiye muri Seleka bamenyesha ko uwagenywe kugira arongore Reta ya Centrafrica atabakomokamwo. Nk’uko bimenyeshwa n’uwuvugira igisata ca gisirikare muri Seleka, Ahmat Nedjad, igenwa rya Mahmat Kmoun nk’umushikiranganji wa mbere riciye kubiri n’amasezerano bagiriraniye na Reta igihe bahagarika intambara.

Ukwo kutumvikana hagati y’abanya centrafrica kwatanguye kwibonekeza kuva kuri uwu w’Imana, aho mu gitondo ca kare, umupfasoni Catherine Samba Panza arongoye ico gihugu yagena uwahora ari umuhanuzi adasanzwe mu biro iwe, umu islam Mahamat Kamoun, kuba umushikiranganji wa mbere.

Catherine Samba Panza, umukuru w’igihugu vy’imfatakibanza wa Centrafrika