Centrafrika : Abasirikare babiri b’abafaransa bagandaguwe

Reta y’Ubufaransa yamenyesheje ko abasirikare babiri b’ico gihugu bari mu bari barungitswe kugarukana amahoro muri Repuburika ya Centrafrika, baguye mu ntureka.

Abo basirikare babiri nibo ba mbere b’Ubufaransa baguye muri ico gihugu ca Centrafrika kuva aho Ubufaransa bwongereje abasirikare barungitsweyo.
Abategetsi b’Ubufaransa bamenyesha kandi ko umukuru w’igihugu François Hollande niyava mu gihugu ca Afrika y’epfo aho yitavye ibirori vyo gusezera ubwa nyuma Nelson Mandela, azogenderera Repuburika ya Centrafrika.

Ubufaransa bwarungitse muri Centrafrika abasirikare 1600 kugira bafashanye n’abandi bariyo mu bikorwa vyo kugarukana amahoro muri ico gihugu inganda z’abantu ziguma zitikira.