Centrafrika : Reta ya Catherine Samba Panza yasabwe gutanga imihoho

Umuhari wa Séléka wasavye umukuru w’igihugu w’imfatakibanza wa Centrafrika gutanga imihoho vuba, inyuma y’aho imigumuko isubiriye kwaduka i Bangui, aho hapfuye abagera ku ndwi.

Uwo muhari usaba umupfasoni Catherine Samba Panza gutanga imihoho co kimwe na Reta yiwe, aho iyo Reta yagirizw n’uwo muhari usanzwe urwiriyemwo abari mw’idini rya Islam kuba batashoboye kugarukana amahoro muri ico gihugu. Muri ico gihugu ca Centrafrika rero n’aho ku murwa mukuru agahengwe kariko karaboneka, hagati mu gihugu hoibintu biracacika,aho abari mu muhari wa anti-balaka basanzwe barwiriyemwo abari mu madini y’abakirisu badacana uwaka n’aba Séléka.

Mwomenya ko muri ico gihugu ca Centrafrika na cane cane abasanzwe bariko baragarukana amahoro bahurikiye muri MINUSCA barikanuye kuva ahoumwe mu bagendesha ipikipiki ari mw’idini ry’abasiramu yiciye abatari bake akoresheje igisasu ntezwaminwe muri quartier KM5 iri ku murwa mukuru Bangui.