Centrafrika: Urugendo rw’umushikiranganji w’ukwivuna abansi ntirwagenze uko ruteguwe

Umushikiranganji w’ukwivuna abansi wo mu gihugu c’Ubufaransa ari mu gihugu ca Centrafrika, aho vyari vyitezwe ko aja i Bambari, ariko hakaba hari imirwano idasanzwe.

Jean Yves Le Drian akaba yari yiteguriye kuja i Bambari mu Buraruko bushira Ubuseruko bw’i gisagara ca Bangui kuri uyu wa 8 Mukakaro, ariko hababa hari imirwano kuva ku munsi w’Imana, aho iyo mirwano imazegukwiza amasaha 48 itanguye. Abantu batari bake bakaba basandavye mu mirwano yari hagati ya Anti balaka n’abahoze ari aba Seleka kuri uyu w’Imana. Ibisagara bitandukanye vy’igihugu ca Centrafrika bikaba birimwo imirwano n’akajagari, aho abanyagihugu bicwa izuba riva, bahitanywe n’imwe mu mirwi irwana.

Mwomenya ko ibintu bigeze aho n’abarwanyi b’iyo mihari bicana, bakagirizanya kuba muri bo hari bamwe bagaruka bagatanga amakuru y’ivyo baba bariko barategura. Akarorero, akaba ari umwe mu barwanyi ba Anti balaka yishwe yagirizwa kuba yoba aha amakuru abo muri Selela.