Accueil > Amakuru > Muri Afrika > Centrafrique: Abanyafrika y’epfo 13 barahaguye
Centrafrique: Abanyafrika y’epfo 13 barahaguye
lundi 25 Ntwarante 2013
Umukuru w’igihugu wa Afrika y’epfo, Jacob Zuma, avuga ko abasirika b’ico gihugu bashika 13 bishwe, abandi hafi 30 bakomeretse muri Centrafrique igihe bagerageza kubuza abarwanyi gufata ubutegetsi.
Nibo basirikare benshi Afrika y’epfo ipfushije mw’itana mu mitwe rimwe kuva ico gihugu cazamwo demokarasi mu 1994.
Afrika y’epfo yari yarungitse amajana y’abasirikare gufasha umukuru w’igihugu yaraye atembagajwe, Francois Bozize.
Abarwanyi bavuga ko bazogumizako ubutegetsi busabikanije, nk’uko vyumvikanywe mu mugambi w’amahoro washizweko umukono mu kwa mbere, ukaba kandi warashigikiwe n’umushingantahe Bozize.
Umuryango wiwe wahungiye muri republika iharanira intwaro rusangi ya Kongo, ariko ntibiramenyekana nimba ari kumwe nawo.
Jean de Dieu Munyembabazi
