Accueil > Amakuru > Muri Afrika > Centrafrique : Ishirahamwe ry’ubumwe bwa Afrika ryiteguriye gushigikira (...)
Centrafrique : Ishirahamwe ry’ubumwe bwa Afrika ryiteguriye gushigikira MISCA
jeudi 30 Nzero 2014
Umutekano muke urangwa mu gihugu ca Centrafrika ugeze ku rwego ruraje inshinga ishirahamwe ry’ubumwe bwa Afrika, ari nayo mpamvu hategekanijwe inama yo kwegeranya uburyo bwo gushigikira igisirakare ca MISCA (Mission Internationale de Soutien à la Centrafrique).
Iyo nama itegekanijwe kw’igenekerezo rya 1 Ruhuhuma 2014, izoba igizwe n’abiyemeje gutanga uburyo bwo gushigikira igisirikare ca MISCA, i Addis-Abeba mu gihugu ca Ethiopie. Ikazoba igize kandi iya 22 y’ishirahamwe ry’ubumwe bwa Afrika yari yugurujwe kw’igenekerezo 21 Nzero 2014.
Mu nama nshingwabikorwa yaheruka gukorana kw’igenekerezo rya 28 Nzero 2014, hihwejwe uburyo bukenewe, hari humvikanywe amafaranga agera ku miriyoni 500 y’amadorare y’abanyamerika, ivyo bigasaba ko hokwitanga ibihugu bigera 110 vyifadikanije n’amashirahamwe mpuzamakungu.
Gushika ubu, umutekano uracifashe nabi mu makaratiye hagati mu gisagara ca Bangui, ari naho ico kibazo caciye gihagurukirwa n’amakungu, ubu kikaba kiriko kirigwa ku rwego rw’ishirahamwe ry’Ubumwe bwa Afrika.
Mariella Bukuru
