Centrafrique:Uwahora arongoye abasoda ba MINUSCA yatanze imihoho

Uwahora arongoye abasirikare bo mu rwego rwa ONU mu gihugu ca Centrafrika Babacar Gaye yaratanze imihoho mu kurongora abo basirikare kuwa gatatu igenekerezo rya 12 Myandagaro 2015.

Babacar Gaye yatanze imihoho abisabwe n’unyamabanga mukuru wa ONU Ban Ki-Moon,inyuma y’aho hari abasirikare bakora mu rwego rwa Minusca bagiririjwe gufata abana ku nguvu.

Ban Ki-Moon yavuze ko yemeye itangwa ry’imohoho rya Babacar Gaye arongoye Minusca,akaba ashima igikorwa caranguwe na Babacar Gaye mu bijanye no gushigikira amahoro,umutekano no gusubiza hamwe.

Umunyamabanga mukuru wa ONU avuga ko atazokwihanganira uwariwe wese yotuma hagaruka ubwoba.Amenyesha ko umuntu wese akora mw’ishirahamwe mpuzamakungu ONU ategerezwa gukora yisunze ivyiyumviro vya ONU.

Babacar Gaye w’ipete rya General yatanze imihoho inyuma yaho ishirahamwe Amesty International imenyeshereje umwana yafashwe ku nguvu,hamwe n’umuvyeyi n’umwana basinzikarijwe ubuzima n’abasirikare bo mu rwego rwa ONU muri Minusca.