Accueil > Amakuru > Mu makungu > CHÁVEZ , umuntu agareranywa na Yezu mu maso ya Ahmadinejad
CHÁVEZ , umuntu agareranywa na Yezu mu maso ya Ahmadinejad
mercredi 6 Ntwarante 2013
Inyuma y’urupfu rwa HUGO Chávez, yahora ari umukuru w’igihugu ca Venezuela, Mahmoud Ahmadinejad, umukuru w’igihugu ca Irani yamenyesheje ko yafata Chávez nka “umumaratiri yakoreye abenegihugu kandi yakingiye ubuntu hamwe n’ingendo yo guhindura ibintu”. Mw’ikete ryo guhoza umuryango wiwe arongera akemeza ko “indwara itazwi” ariyo yahitanye Chávez.
“Ntankeka ko azozuka hampande ya Yezu kandi nka Umuntu atagira agatosi”, Ahmadinejad yongeyeko atyo, yisunze ukwemera kw’aba chiite aho biteze izuka ry’umu imam w’12, “Mahdi”, yapfuye mukinjana c’indwi. Iryo zuka rizobera rimwe nirya Kristu, aho bazoza baje gukiza isi no gutanga amahoro.
Mwomenyako Venezuela arico gihugu ca mbere co muri Amerika y’epfu gicuditse cane na Irani. Vyompi bikaba ari ibihugu bidahisha urwanko bifitiye Leta Zunze Ubumwe Za Amerika. Muri iyi myaka iheze, ivyo bihugu vyarakomeje imigenderanire muvya politike no muvyo ubutunzi.
Ingabire Luc Noel
