Chine : Uruyoya rwarokotse mu muringoti w’utuzu twa surwumwe

Mu gihugu c’Ubushinwa, uruyoya rwaratowe aho rwari rwatawe mu muringoti ujana ubucafu w’utuzu twa sugwumwe.

Ivyo bikaba vyafashe ikiringo kirenga isaha yose kugira urwo ruyoya barurokore. Uwo muringoti w’ubucafu wari w’inyubakwa iri i Jinhua mu ntara ya Zhejiang yo mu gihugu c’Ubushinwa.

Abanyagihugu baba muri iyo nyubakwa, bumvise induru y’uruyoya iva mu miringoti itwara ubucafu bw’utuzu twa sugwumwe, baca baratabaza ari naho abatabara baciye banyaragasa kuza kuraba. Abo nabo ntivyaboroheye kuko babanje gukata umuringoti, naho nyene bigoranye, ariko mu nyuma barashoboye kurokora urwo ruyoya baca bararutwara ku bitaro.

Ubu, amagara y’ako kayoya akaba ameze neza ugereranije n’ubwa mbere.
Kubw’abajejwe kuzimya imiriro, urwo ruyoya rwari rukiri mu ngovyi igihe rwatorwa. Amatohoza nayo akaba yatangujwe n’abajejwe intwaro kubijanye n’ubwo bubisha bwakozwe.