Accueil > Amakuru > Utuntu n’utundi > Colombiya : Umukuru w’igihugu arasigura imvo zatumye yigirako umwanda muto (...)
Colombiya : Umukuru w’igihugu arasigura imvo zatumye yigirako umwanda muto mu bantu
jeudi 20 Ntwarante 2014
Inyuma y’aho abatari bake muri Colombiya bumiwe babonye umukuru w’igihugu wabo yigizeko umwanda muto mu bantu isinzi, bariko barumviriza imigabo n’imigambi yiwe mu kiringo co kwitoza ubugira kabiri kugira arongore Colombiya, Juan Manuel Santos yasiguye icatumye ivyo bimushikira.
![](local/cache-vignettes/L328xH240/jm-santos-0210-dee24.jpg?1517271913)
Amenyesha ko asanzwe agendana indwara ya kanseri yo mu bihimba vy’irondoka vyiwe. Igihe yariko arashikiriza ijambo, akaba yafashwe amasanamu ariko arigirako umwanda muto, kandi ntiyahagaritse, kuko uruzingi runini rwarabonetse ku mpuzu y’ibara rya kaki yari yambaye. Umukuru w’ico gihugu ca Colombiya w’imyaka 62 y’amavuko, akavuga ko yababajwe n’abantu bagiye barakwirakwiza amasanamu y’ivyamushikiye, nk’aho umenga yabigize abishaka, ndetse hakaba hari n’abanditse amajambo yo kumutyoza kuri ivyo vyago vyo kwigirako umwanda muto vyamushikiye. Asigura ko ivyamushikiye vyatumwe n’amagara yiwe atifashe neza, kuva aho abaganga bamubagiye ibihimba vy’irondoka.
Nayo abariko barakamisha ivyamushikiye na cane cane imwe mu migambwe itavuga rumwe nawe, mu kumenyesha ko amagara y’umukuru w’igihugu yifashe nabi kanatsinda yagize ibidakorwa, mu kwihagarika mu mpuzu yambaye ishengero ry’abantu rikinje, ko atoshobora kurongora igihugu, Juan Manuel Santos avuga ko ata ngorane n’imwe afise, amagara yiwe yifashe neza cane, naho vyashitse akiyonona mu bantu, atacobuza ko abandanya arongora igihugu mu kindi kiringo c’imyaka ine iri imbere.
![](local/cache-vignettes/L600xH324/arton49327-ec5d5-2-de55b.jpg?1517271913)
Aristide Nizigire
Messages
20 Ntwarante 2014, 13:55, par kabura
nibamureke uwo mukuru w’igihugu nimba vyamushikiye kubera akarwara s’amakosa kandi ntawutarwara. mbe abarwaye mu mitima yuzuye ikibi n’ukwikunda ntibariho ko batavurwa? abanyagihugu biwe nimba bamukunda ku burongozi bwiwe ivyo ntaco bitwaye namba. abo bahiganwa nabo ntagitangaje kubona bamurtyoza bagomba kumukurako abanywanyi bitwaje ivyamushikiye mugabo bo hari naho bogira ibisumba ivyo yagize bivanye n’indwara bafisewe yakoze ivyoroshe. ahubwo ndamwipfurije imigisha.
20 Ntwarante 2014, 14:09, par minani
ariko yarambay’ibara yemwe! none nkaho abo bahiganigwa ikibanza bari kureka kumurtyoza gute? bategerezwa kuboneraho kumurtyoza nyene.
21 Ntwarante 2014, 09:39, par kamenge
ntagishoboye kuyobora nabise abandi ntabona ko yakoze ibitera soni najye kuruhuka aronke akanya ko kwivuza
23 Ntwarante 2014, 11:34, par mugumyabanga
kandi niwe bivugwa ko yofashije abayobora Uburundi kutanga amafaranga yokugira referandumu...none nawe yisovyeko