Cote d’Ivoire: Hatanguye imyiyerekano yo kwiyamiriza ukwitoza kwa Alassane Ouattara

Umuntu umwe niwe yapfuye,abandi benshi barakomereka mu myiyerekano yo kwiyamiriza ko umukuru w’igihugu ca Côte d’ivoire Alassane Dramane Ouattara yotoreza kurongora igihugu.

Imyiyerekano yabaye kuwa Kane igenekerezo rya 10 Nyakanga 2015, cane cane mu bice vy’Uburengero, yiyamiriza ko umukuru w’igihugu asubira kwitoza mu kibanza c’umukuru w’igihugu,mu matora ategekanijwe igenekerezo rya 25 Gitugutu 2015.

Iyo myiyerekano yatanguye,inyuma yaho inama ijejwe kwubahiriza ibwirizwa nshingiro mu gihugu ishiriye ku mugaragaro,abantu 10 muri 33 bari basavye, bemerewe kuzohiganirwa ikibanza c’umukuru w’igihugu.

Imyiyerekano yagizwe n’umurwi w’abantu bashigikiye Laurent Gbagbo yahoze ari umukuru w’igihugu agatsindwa mu matora na Alassana Ouattara.